ငုဝါ ... သို့

-


"ဒါ အချစ်လား" လို့ ​မေးရင်
"မဟုတ်ဘူး" လို့ပဲ ​ဖြေမိမယ်။
စိတ်နဲ့ လွှင့်တဲ့ စက္ကူလေတံခွန်လိုမျိုး ...
အမြင့်ဘယ်​လောက်တက်တက်
ကြိုးပျက်စရာ အ​ကြောင်း ငါတို့မှာမှ မရှိတာ။

ပြတ်​တောက်သွားနိုင်တဲ့ သက်ဝင် ယုံကြည်မှု​တွေအစား
မင်း ​ခြေဖဝါး ကိုပဲ ပိုပြီး ဦးခိုက်ချင်တဲ့ ​ကောင် ...
ဘုရား​ဟော​ တော့ "အတ္တသမံ ပေမံ နတ္ထိ" တဲ့
ဟင့်အင်
ငါ့မှာ​တော့ " ငုဝါ ဂု​ဏော အန​​န္တော" ပါပဲ။

#ရွက်​​လှေ

Comments

Post a Comment

Popular posts from this blog

၂၀၁၂ ဝန်းကျင်၌ လွတ်ကျခဲ့ဖူးသော အပိုင်းအစများ

-
Image
တစ်ဆစ်ဆစ် နာကျင်ကိုက်ခဲနေတဲ့ဆန္ဒတွေပါ။ ပြန်မရပေမယ့် လွမ်းခွင့်လေးတော့ရှိချင်ပါတယ်။ ညနေတိုင်း မိုးညှင်းအကြော်ဆိုင်ကို လမ်းလျှောက်ပြီး သွားစားရတဲ့ အရသာကို မမေ့ဘူး။ ကျောင်းဝန်းထဲက စက္ကူပန်းတွေကို မမေ့ဘူး။ တမာတန်းကို မမေ့ဘူး။ ကိုကြီး ဇော်တင် ကို မမေ့ဘူး။ အခုချိန် တစ်ယောက် တစ်နေရာဆိုပေမယ့် ဘယ်ရောက်နေမှာမှန်း မသိတဲ့ ရည်းစားဟောင်းလဲ အိမ်ထောင်ရက်သားတွေ ကျနေလောက်ပြီ။ လွမ်းရပါတယ်။ ဒီလို ည တွေမှာ ပို လွမ်းရပါတယ်။ 2012 ခုနှစ် ဝန်းကျင်များဆီမှာ 3 idiots ရုပ်ရှင် နာမည်ကြီးလာတော့ စာမကြိုးစားချင်ကြတဲ့ ကိုယ်တို့ သူငယ်ချင်း တစ်သိုက်က ရန်ချို ကို အားကျကြတယ်။ တားမရတဲ့ ဝါသနာကတော့ လူတောမတိုးတဲ့ ကဗျာတွေရေး ခင်မင်ရင်းနှီးသူတွေ လျှောက်ပေးပြီး လူတွင်ကျယ်လုပ်ရတဲ့အရသာပါပဲ။ ဇော်ဝင်းမောင် ရေ... မင်း ဘယ်ရောက်နေလဲ။ မိုးလင်း .... သူငယ်ချင်း မင်းလဲ အိမ်ထောင်ကျသွားပြီး သမီးလေးမွေးတယ်ကြားတယ်။ Vegus စက်ရုံကြီး ပျက်သွားရင် ငါတို့လဲ ဆေးလိပ် ပြတ်မှာပါ ပြောခဲ့တယ်။ တကယ်တမ်း ပျက်သွားချိန်ကျ Ruby ပြောင်းသောက်တဲ့ သစ္စာတရား သိပ်ပြီး ကြီးမားကြသူကြီးတွေ .... ထွေးညိုက စျေးချိုလို့ အာမီရမ် မှ ချတတ်ကြတဲ့ သိပ်ပြီး ကျန်းမာရေး လိုက်စားကြသ...
Read more

ရွက်လှေ (၃)

-
ဆုံးဖြတ်ချက် အမှားကြီးတွေ လုပ်ရပ်အမှားကြီးတွေနဲ့ လူဖြစ်လာခဲ့တဲ့ ကောင်ပေါ့။ ဘယ်သူ့ကိုမှ မနာကျင်စေလိုတဲ့ အတ္တသမားတစ်ယောက်ရဲ့ နောင်တပေါ့။ ကိုယ့် အဆင်မပြေခြင်းတွေကို လိမ်လည်ထားတဲ့ အမေ့ရဲ့ ဒုက္ခအိုးလေးပေါ့။ ဘဝဟာ အဲလိုပဲ... Suicide လုပ်ပစ်ချင်စရာကောင်းလောက်အောင်ကို သာယာနာပျော်ဖွယ် အတိ။ # ရွက်လှေ
Read more

Crush သို့

-
တစ်ခါတုန်းက စိတ်ကူးယဉ်ခဲ့ဖူးသလို တစ်ဖက်သတ်အချစ်ဆိုတာ ကာရံတွေထဲမှာတော့ သိပ်ကိုလှတယ်။ သူ ခပ်ဟဟ ပြုံးလိုက်ချိန်တိုင်း ကိုယ်ဟာ ဒီကမ႓ာကနေ ခပ်ခွာခွာ လွှင့်ထွက်သွားသလိုမျိုး။ ကြည့် ..... ဘယ်လောက်တောင် အချစ်ဆန်လိုက်တဲ့ အတ္တလဲ။ လက်ခံရရှိထားတဲ့ ပတ်သက်မှုတစ်ခုနဲ့တင် သူ့ဘဝတစ်ခုလုံးစာ ကိုယ်ပဲ ဖြစ်နေလိုက်ချင်တာ။ ပျော်ရွှင်မှုတွေပဲ ဖြစ်ဖြစ် ဝမ်းနည်းမှုတွေပဲ ဖြစ်ဖြစ် သူနဲ့ ပတ်သက်လာတဲ့ ဖြစ်တည်မှုတိုင်းဟာ ကိုယ့်အတွက်တော့ ဘယ်သူမှ ဖန်ဆင်းပေးမထားတဲ့ အပြာရောင်ရှင်သန်ခြင်းပဲ။ အနာဂတ်ဆိုတဲ့ အရာသာ တကယ်ရှိခဲ့ရင် အဲ့ဒါဟာ သူ့ကိုယ်သင်းနံ့လေး ကိုယ့်ဝင်သက်နားမှာ ဖြတ်ပြေးသွားတဲ့အချိန်လေးပဲ ဖြစ်မှာ။ တစ်ဖက်သတ်ဆိုတာ သူကြည့်ခဲ့ဖူးတဲ့ ကိုးရီးယားစီးရီးလောက် ဒရမ်မာ မဆန်တာ သိမှာမဟုတ်ဘူး။ ဖြစ်နိုင်ရင် ကိုယ်က သူ့မျက်စောင်းတွေကို ကိုယ်သိပ်ရေးချင်ခဲ့တဲ့ ကဗျာတစ်ပုဒ်ထဲမှာ ထည့်ပြီး တစ်လုံးချင်း ... တစ်ရွက်ချင်း ... ရင်နဲ့ ရင်းပြီး ထည့်ထားချင်ခဲ့မိတာ။ ပိုင်ဆိုင်ခြင်းလား စွန့်လွှတ်ခြင်းလား သူ့ နှုတ်ခမ်းနီနီလေးတွေတွန့်ကွေးသွားတာတွေ့တိုင်း ကျေနပ်နေမိမှတော့ "အချစ်ဟာ ဘာလဲ" ဆိုတဲ့ မေးခွန်းကို ကိုယ့်ကိုကိုယ် ပြန်မမေးချင်တော့ဘူး။ အ...
Read more